Ôi 5/9, Groi Kruanh dak Võ Thị Ánh Xuân râng ƀư sa nkra n’hanh ntơm năm nti mhe ta ngih sam ƀŭt Mầm non Pác Pó, xă Trường Hà, nkuăl Hà Quảng, n’gor Cao Bằng. Ngih sam ƀŭt Mầm non Pác Pó geh rnoh neh 1.800 m2 đah têh 6 jrô nti, du ngih hiệu bộ, ngih ăp ntil ndơ ndrel du nău rhŏ kơl êng. Bôl trôk nar mô uĕh, mih âk yơn knŭng jêh bơi 3 khay ntơm ƀư, ngih lĕ jêh đăp mpăn bah năp rnôk lăp năm nti mhe.

Aơ lah nău ntrŭt đă dŭt têh đah ăp nai, kon hŏk n’hanh nuĭh ƀon lan xă n’har bri Trường Hà, nkuăl Hà Quảng, n’gor Cao Bằng n’hanh lah ndơ gay ngih sam ƀŭt Mầm non Pác Pó nsrôih tâm di lam dak tâm năm tât. Rơh aơ, Groi Kruanh dak n’hanh mpôl pah kan lĕ tât mpoh su nhang, an nkao ta Ntŭk ƀư brah huêng phang Hồ Chí Minh ta Nkual di tích ngih dak dŭt khlay Pác Pó, xă Trường Hà, nkuăl Hà Quảng.