Bâh 19 năm mbơh ƀư leo kan rơh nkhôm rnê lĕ geh âk nuĭh kan khoa học mom Việt Nam tâm dak n’hanh bah dih dak tât mbơh dăn pă an nkhôm rnê. Tât aƀaơ, lĕ geh 194 nuĭh ntoh lư geh dơn nău nkhôm rnê Quả cầu vàng. Êng nău nkhôm rnê bu ur sinh viên khoa học công nghệ Việt Nam tât aƀaơ lĕ geh 719 bu ur sinh viên ntoh lư geh dơn nău nkhôm rnê.

Ntoh ngơi ta rơh tâm mâp, groi kruanh dak Võ Thị Ánh Xuân rhơn kơp dơn ăp nău tâm rgop bâh 30 nuĭh blău mom rhơn rnê geh dơn nău nkhôm rnê. groi kruanh dak an lah, ăp băl momk geh dơn nkhôm rnê dơi geh ăp nău dơi bôk năp la dŭt khlăy, dŭt ryơk yơn lah an geh uănh năl lor bôk năp klâp lah hôm nha geh âk nău jêr.; dăn đă trung ương đoàn an geh n’hao tay, n’hao nău knơm bâh rơh nkhôm rnê gay ma jêng nău nkhôm rnê bôk năp bâh mom ndăm Việt Nam mpeh khoa học công nghệ.