VOV4.M’nông: Rƀŏng tât nkah 75 năm nar tahen ơm-tahen sôt rmanh (27/7/1974-27/7/2022), ôi 10/6, ta ntŭk kan Kruanh dak, Groi Kruanh dak Võ Thị Ánh Xuân hŏ vơt nŭih kan geh n’hâm tâm n’gor dak Nông di rnôk rmôt hăn khâl Thủ đô ndrel lăp lăng chop Wa. Rnôk aơ, n’gor Dak Nông geh rlau 13 rbăn nŭih geh kơl an, tâm nê ăp nŭih geh kơl an ăp khay lah bơi tât 3000 nŭih. Ndrel ma nau kơl an bah Đảng ndrel Ngih dak, nau kan lam ƀon lan mât chăm ân tahen sôt rmanh, rnăk vâl nŭih geh n’hâm đah cách mạng ndrel rnăk taheh khĭt kăl e hŏ geh âk nau dơi, ƀư tĭng rgum n’hâm râng lam ƀon lan. Mpeh nau dơi, nau rêh bah ăp nŭih geh dơi kơl bah n’gor geh đăp mpăn.

Nkoch bri đah rmôt kan ntoh măt nŭih geh n’hâm ma cách mạng n’gor Dak Nông, Groi Kruanh dak Võ Thị Ánh Xuân ntoh nau nkah ngăn tât ăp nŭih geh n’hâm bah n’gor Dak Nông, ŭch n’gor ƀư ueh nau vay ơm tâm rnglăp, rŏng dak bah kônh wa ăp rnoi Tây Nguyên nsum ty ndâk njêng ƀon lan ƀư ueh 2 nau kan ndâk njêng ndrel mât neh dak, nkre ntrŭt dăng nau kơl an ƀư ueh nau kơl an nŭih geh n’hâm, gay ma ntĭm mbơh nau ŭch rŏng dak, nau ueh bah rnoi mpôl đah kon nŭih./.

Nŭih rblang: H’Thi