VOV4.M’nông –  Ôi 17/6, Groi Kruanh dak Võ Thị Ánh Xuân lĕ wơt Đại đội bu ur ƀĭt ndeh Trường Sơn. Khay 12/1986, Đảng ủy Bộ Tư lệnh Trường Sơn lĕ an ntrŭnh ndâk njêng ntŭk kan Bu ur ƀĭt ndeh Trường Sơn gay ntop kơl rmôt mpông n’har bri. Ntoh ngơi ta nar mâp măt, ndơn măt kruanh Đảng, Ngih dak, Groi Kruanh dak Võ Thị Ánh Xuân njuăl tât ăp bu ur bĭt ndeh Trường Sơn nkah gĭt n’hanh ăp nău rŏng uĕh ngăn.

Groi Kruanh dak Võ Thị Ánh Xuân wơt Đại đội bu ur ƀĭt ndeh Trường Sơn

Groi Kruanh dak djôt dơn n’hanh uănh lah prêh nău rgop n’hanh ăp nău nsrôih têh bah ăp tahen bu ur ƀĭt ndeh Trường Sơn tâm rơh tâm lơh tâm su Mỹ kơl neh dak. Groi Kruanh dak nkoch kloh, nău roh êng bah ăp yuh lĕ rgop têh ndrel rnoi mpôl ƀư jêng lơh dơi ntơr ang. Groi Kruanh dak mpŏng ŭch N’gâng kan mât njrăng bri dak, Tổng cục Hậu cần, Cục vận tải geh nău uănh mĭn tay, mât uănh âk lơn đah bu ur ƀĭt ndeh Trường Sơn.

Nŭih blang: Y Sưng Phê Ja