Ôi ntri (19/2), ta Nhih pah kan kruanh dak, Groi kruanh dak  Võ Thị Ánh Xuân wơt Đại sứ Hà Quốc ta Việt Nam Choi Young Sam. Ta rơh wơt, Groi kruanh dak Võ Thị Ánh Xuân mpơl nău rhơn tâm boh Việt Nam - Hàn Quốc dôl ta rnôk dŭt uĕh  lăng; lơn  lah,  tâm nđŭr ƀon lan bar dak dŭt âk mpưm đah nklăp 200 rbăn ƀon lan bar dak dôl gŭ rêh, kơt nti n’hanh pah kan ta bar dak, tâm nê geh nklăp 80 rbăn rnăk âk văn hóa Việt Nam - Hàn Quốc.

Groi kruanh dak dăn  đă, let năp tay bar ding kan nsum tay an tĭng ƀư jêng ngăn ngăn tâm boh “Têh jong lam lĕ  rngôch Việt Nam - Hàn Quốc”, lơn lah tĭng ƀư “bôk nău kan mpeh an ƀư tâm boh têh  jong lam lĕ rngôch Việt Nam - Hàn Quốc”  hŏ ký khay 6/2023. Nkre n’hao dăng tâm boh chính trị ma trong tâm leo âk mpôl  kan gưl têh tâm khâl nsum n’hanh ăp gưl, bah nê rdâk tay nău nsing nơm chính trị n’hanh ƀư jru hvi lơn tâm boh đah kruanh rđău kan gưl têh bar dak; an tĭng ƀư geh nău dơi ăp nău way tâm boh, ăp nău  tâm ton gưl  têh đah bar dak./.