Ôi 3/11, ta Nhih pah kan kruanh dak, Groi kruanh dak Võ Thị Ánh Xuân wơt Đại sứ Qatar Khalid Ali Abdullah Abel. Ta rơh wơt, Groi kruanh dak rhơn saơ tâm boh đah bar dak mhe aơ geh njuat hun hao uĕh, lơn lah tâm khâl n’hanh tâm mâp gưl têh. Nău rdâk tay nsing nơm chính trị, lơn lah kruanh rđău kan gưl têh bar dak lah ntŭk nsing khlay njêng suan ntrôl tâm boh bar ding.

Yơn lah, ăp nău dơi tâm boh bar ding nha mô hŏ tâm di đah nău tâm boh chính trị uĕh lăng, săk geh đah bar dak đŏng. Nsing ta nê, Groi kruanh dak dăn đă bar ding n’hao âk tay mpôl hăn tâm khâl ăp gưl, lơn lah  gưl têh. Nkre n’hao dăng ăp nău kan ntrŭt ntrôl ngăch tăch rgâl, ntuh kơl, rgum nchră doanh nghiệp, n’hao âk rvăt n’glăp nsum ăp ndơ săk geh. Đại sứ Cata lah rjăp, Việt Nam lah dak tâm boh khlay bah Qatar ta nkual châu Á-Thái Dương n’hanh ton mbra nsrôih lĕ  n’hâm suan, rgop rdâk tay n’hanh n’hao dăng lơn tâm boh tâm rnglăp n’hanh tâm boh wăng sa đah bar dak./.