Kêng măng 30/5, ta Ntŭk Kruanh dak, Groi Võ Thị Ánh Xuân lĕ đêp rmên wơt Mpôl đại biểu gưl prêh Hội đồng ngih dak Mặt trận Đoàn kết Hun hao Neh dak campuchia yor wa Nhem Valy, Ủy viên Trung ương Đảng Nhân dân Campuchia, Groi Kruanh dak rnâng kan nkre ƀư Tổng Thư ký Hội đồng Ngih dak Măt trận Đoàn Kết Hun hao neh dak Campuchia ƀư Kruanh rmôt, dôl khâl pah kan ta Việt Nam.

Ta nar wơt, Groi Kruanh dak mĭn lah Việt Nam uănh khlay n’hanh an kơl âk an nău n’hao tâm boh oh nô uĕh lăng, dăch dêh way ơm, kan ndrel lĕ rngôch, nâp nâl jŏ jong đah Việt Nam n’hanh Campuchia. Uănh lah nău kan ndrel đah Mặt trận 2 dak năm bah năp, Groi Kruanh dak mpŏng, tâm năm tât, Mặt trận 2 dak tâm rgop rjăp, ƀư săk rnglăy ăp tâm ton, kan ndrel lĕ ký ton; mât uĕh ƀư tơm măt trận 2 ding tâm boh kan ndrel đah 2 Đảng, 2 ngih dak n’hanh nuĭh ƀon lan 2 dak kơt kan ndrel đah ăp ntŭk, ngăn lah ăp n’gor n’har bri 2 dak.