VOV4.M’nông – Ta Ntŭk kruanh dak, Groi Kruanh dak Võ Thị Ánh Xuân wơt Mpôl ntoh măt cán bộ bu ur nău kan Ngân hàng di rơh Nar Quốc tế bu ur 8/3. Ta nar wơt, Thống đốc Ngân hàng Ngih dak Việt Nam Nguyễn Thị Hồng an gĭt, rnoh bu ur geh nklăp 60% rmôt pah kan ta ăp ngân hàng n’hanh 24% dĭng lĕ ăp ntŭk kan mât uănh gưl prêh. Ngân hàng dôl mbơh ƀư prăk kaih lĕ rngôch lam dak tât năm 2025, rƀŏng tât 2030, tâm nĕ bu ur lah rmôt nuĭh dŭt dơi uănh tât. Groi Kruanh dak Võ Thị Ánh Xuân njuăl nău mbah rhơn uĕh lăng ngăn tât cán bộ bu ur nău kan Ngân hàng lah êng n’hanh bu ur ta lam dak lah nsum, lah rjăp, nău kan Ngân hàng lah nsum, cán bộ bu ur nău kan lah êng, uănh mĭn, hăn ndrel đah Mặt trận Tổ quốc Việt Nam, ăp rmôt chính trị-rêh jêng gay mbơh ƀư ngăch ăp nău kan đăp mpăn rêh jêng, kơl nuĭh, rsơl plơng. Kruanh Ngân hàng Việt Nam uănh mĭn tay tŏng ăp mpeh trong kan cán bộ bu ur bah nău kan, ntĭm nti, cán bộ hao tâm di đah rnoh cán bộ bu ur ta lam nău kan.

Nuĭh rblang: Y Sưng Phê Ja