Ôi 12/11, Groi Kruanh Quốc hội Nguyễn Đức Hải ndrel Mpôl pah kan lĕ râng Nar rgum Tâm rnglăp lam rnoi nuĭh ta nkual ƀon lan gŭ A Liêng, xă Tà Bhing, nkuăl nkual prêh n’har bri Nam Giang, n’gor Quảng Nam. Groi Kruanh Quốc hội mpŏng nuĭh ƀon lan nkual prêh n’har bri mât uĕh tay nuih n’hâm tâm rnglăp, tâm yô̆ tâm kơl, tâm kơl hun hao wăng sa nkra njêng, mât njrăng bri n’hanh hao ƀư ndrŏng bah bri. Nkual ƀon lan gŭ A Liêng, xă Tà Bhing geh 207 rnăk đah 810 nuĭh tâm ăp rnoi nuĭh Ve, Giẻ Triêng, Khơ Mú, Yuăn....

êng rnoi nuĭh Cơ Tu geh 80% rnoh nuĭh ƀon lan. Năm 2023, naư rêh drăp ndơ, nuih n’hâm bah nuĭh ƀon lan dơi hao, nău tâm mât tâm rgum ƀon lan nar lơ dăch dêh. Nuĭh ƀon lan nkual ƀon lan gŭ A Liêng, xă Tà Bhing tâm rnglăp tâm kơl hun hao wăng sa, tâm rgop đah hun hao mât rong ndrôk, rpu. Ăp ntrong kan “Rnăk wât gĭt wât nti” dơi hun hao n’hanh pơk hvi. Rơh aơ, Groi Kruanh Quốc hội Nguyễn Đức Hải lĕ an 10 Jay tâm rnglăp an ăp rnăk ach o, nău rêh jêr jŏt ta xă Tad Bhing, nkuăl Nam Giang, du rnăk jay khlay 60 rkeh prăk; an âk nklâm ndơ an kon hŏk, nuĭh ach o, nuĭh nsing nơm n’hanh rnăk dơi kơl ta xă Tà Bhing.