VOV4.M’nông: Kêng măng 21/1, Groi Kruanh Quốc hội Nguyễn Đức Hải hŏ tât khâl, rhơn tết tâm n’gor Kon Tum. Pah kan đah rđau kan n’gor ndrel rmôt kan ntoh măt bah n’gor Kon Tum, Groi Kruanh Quốc hội Nguyễn Đức Hải kơp dơn, rnê ăp nau ueh ang ntoh lư bah Kon Tum tă dơi geh tâm rnôk dôl geh nau jêr jŏt ma srê Covid-19 lơh. Groi Kruanh Nguyễn Đức Hải ŭch n’gor Kon Tum tât tâm năm mhe lŏ ƀư ân ueh ăp nau khlay vay ơm.

Ntuh kơl, ƀư ân ueh lơn ăp nau khlay mpeh nkuăl tăm tơm dak si khlay ma ntoh ngăn lah tơm sâm Ngọc Linh. Di rnôk aơ, Groi Kruanh Quốc hội Nguyễn Đức Hải ndrel rmôt hăn kan hŏ pă ân rnăk ach o, rnăk dơi kơl, nŭih geh bu rnơm 75 rkeh prăk, pă ăp rnăk ach o geh nau rêh jêr jŏt 500 rkeh prăk, pă 200 nklâm dnơ rnoh du rkeh prăk ndrel 250 rbăn prăk ƀư nklâm ndơ ân đoàn viên, nŭih pah kan geh nau rêh jêr jŏt./.

Nŭih rblang: H’Thi