Groi kruanh Quốc hội Nguyễn Đức Hải tât khâl, pă ndơ Tết ta n’gor Quảng Nam.
Thứ tư, 00:00, 07/02/2024
VOV Tây Nguyên/Nuĭh rblang: Thị Đoắt
VOV Tây Nguyên/Nuĭh rblang: Thị Đoắt
VOV4.M'nông- Di rơh Tết Giáp Thìn 2024, ôi lơ 6/2, groi kruanh QH Nguyễn Đức Hải ndrel đah mpôl pah kan lĕ tat mpoh su nhang ta nkual nkah ndrăy tă kan Kruanh Hội đồng ngih dak Võ Chí Công, tât khâl, rhơn Tết n’hanh pă ndơ an du đê̆ rnăk vâl, rnăk dơi kơl ta n’gor Quảng Nam.
Groi kruianh Quốc hội Nguyễn Đức Hải ŭch Đảng bộ, n’gâng kan n’hanh ƀon lan n’gor Quảng Nam an geh mât tay, n’hao ueh nău khlăy bâh nkual nkah ndrăy Kruanh Hội đồng Ngih dak Võ Chí Công gay ma ntŭk aơ ngăn jêng du ntŭk gay ma ntĭm nti nău way ơm cách mạng n’hanh nău rŏng dak an ăp rơh nuĭh Việt Nam.
Di rơh vơt Tết way ơm bâh mpôl rnoi, Groi kruanh Quốc hội Nguyễn Đức Hải pă an 20 nklâm ndơ Tết pă an 20 rnăk geh nău rêh jêr jŏt ta xã Tam Xuân 1, nkuăl Núi Thành, n’gor Quảng Nam. Groi kruanh QH ŭch ăp rnăk vâl an geh nsrôih rlet rlău nău jêr, nsrôih pah kan jan sa, tâm rgop nsum ta nău hun hao bâh n’gor Quảng Nam.
Viết bình luận