VOV4.M’nông: Lơ 14/1, Groi Kruanh Quốc hội Trần Quang Phương ndrel rmôt hăn kan hŏ tât khâl, rhơn tết cán bộ, tahen ta Trung đoàn Cảnh sát cơ động tây Nam Bộ ndrel Lữ đoàn thông tin 29, Quân khu 9. Mbơh nau đah Groi Kruanh Quốc hội ndrel rmôt ndrel hăn kan, Thượng tá Nguyễn Tấn Phúc, Kruanh Trung đoàn cảnh sát cơ động Tây Nam Bộ mbơh, tât rnôk aơ, ntrong ƀư nau kan, nau rđau bah ăp gưl kan bah Trung đoàn hŏ đăp mpăn ndrel ăp nhoat têh jêng, mât rjăp rmôt mât nau kan mra tâm rgop nsum ma ăp rmôt kan bah N’gâng kan Công an, Công an ăp n’gor nsôih lơih ăp nau tih dôih têh, rklaih ăp nau tât ndal, jêr tât nau rnă njrăng, lơh rdâng lơi phung tih dôh. Ntoh nau tâm nar tât khâl, Groi Kruanh Quốc hội Trần Quang Phương nkah tâm rơh tât Trung đoàn Cảnh sát cơ động Tây Nam Bộ ân geh ƀư rjăp ueh ăp nau ntrŭnh rđau bah Đảng, Ngih dak, Quân uỷ Trung ương, Đảng uỷ Công an Trung ương, N’gâng kan Công an mpeh nau kan mât rnă njrăng, neh dak. Bah năp nau mât đăp mpăn ân rơh tết năm mhe Nhâm Dần năm 2022 tĭng nau rđau đă bah ăp gưl, êp nau rđau kan bah rmôt ân geh mât chăm ân ueh nau rêh ân cán bộ, tahen./.

Nŭih rblang: H’Thi