Mbơh tơih đah mpôl pah kan, ndơn kan an n’gor Ủy Sóc Trăng an gĭt, bâh bôk năm kan 2021-2025 tât aƀaơ, n’gor Sóc Trăng lĕ n’hanh dôl mbơh tơih âk nău kan, nău nchrăp kan tơm khlăy tâm rgop gay ma ntrôl an hun hao wăng sa- rêh jêng bâh n’gor, tâm nĕ, geh du đê̆ nău nchrăp kan geh nău tât têh tât hun hao wăng sa- rêh jêng, nchrăp 2025 lĕ ndơ̆ an lăp dŏng, kơt: Nău nchrăp ƀư trong hăn têh Châu Đốc- Cần Thơ - Sóc Trăng, nău nchrăp ƀư trong hăn hun hao wăng sa Đông Tây, trong mper I, trong mper II...Nău ngăch hun hao wăng sa râng geh 3 năm lvang năm 2021-2023 geh 5,76%/năm.

Tuch tăm mât rong hun hao tĭng trong n’hao nău ueh n’hanh nău khlăy hao. Rnoh ba ntoh lư, ba ueh jêng geh rlău 90%. Âk nău kan mât rong tui geh săk rnglăy lĕ geh n’gor ƀư âk...Ntoh ngơi ta rơh pah kan, Groi kruanh Quốc hội Trần Quang Phương ŭch đảng bộ n’hanh n’gâng kan n’hanh ƀon lan n’gor Sóc Trăng geh n’hao tay nău tâm rnglăp, ndâk nsơm nău jêr jŏt rlet rlău nău ntul rlong an geh ƀư tĭng ăp nău mpŏng Nghị quyết Đại hội Đảng tal 13 n’hanh Đại hội Đảng bộ n’gor tal 14 ngluh mbơh.