Mpôl đại biểu Quốc hội Việt Nam tă bah wa Trần Thanh Mẫn, Groi kruanh rnâng kan Quốc hội leo hăn, hŏ tât thủ đô Madrid, ntơm hăn khâl n'hanh pah kan ta Tây Ban Nha ntơm bah 15/3 tât 18/3.
Tâm rơh wơt Tổng Bí thư Đảng Cộng sản Tây Ban Nha, wa Trần Thanh Mẫn rnê âk ăp nău rgâl uĕh tâm boh bar ding Việt Nam- Tây Ban Nha, mpơl ma ăp rơh tâm mâp đah kruanh rđău kan gưl têh bar dak tâm bah ri aơ. Groi kruanh rnâng kan Quốc hội Trần Thanh Mẫn lah rjăp Việt Nam way nchih nkah, rnê âk nău Đảng Cộng sản Tây Ban Nha lah ngoăy tâm ăp đảng Cộng sản lor bôk năp ta Tây Âu njêng tâm boh đah Đảng Cộng sản Việt Nam, hŏ way tâm rnglăp n'hanh kơl Việt Nam tâm rơh tâm lơh, rlăch ndăng nsĭt tay nău đăp mpăn. Groi kruanh Trần Thanh Mẫn ŭch rŏng tâm boh bar đảng hăn lăp jru tay, ntop kơl geh nău tam an tâm boh têh jong đah bar dak.
Viết bình luận