VOV4.M’nông: Tâm nau khuh n’gôr nar bôk năm mhe, kêng măng 7/2, tât khâl, rhơn tết ndrel pah kan ta Uỷ ban Dân tộc, Uỷ viên Bộ chính trị, Groi Kruanh Rnâng kan Quốc hội Trần Thanh Mẫn nkah nar tât uỷ ban rgum ndâk njêng Luật mpeh nau kan rnoi mpôl gay ma rgâl ăp ntil, tŏng ăp mpeh nau kan rnoi mpôl. Groi Kruanh Quốc hội Trần Thanh Mẫn nkah lah, mpeh nau geh dơi nsum bah neh dak, nau rêh bah ƀon lan rnoi mpôl đê̆ hôm tâm rnoh jêr jŏt. Đă tâm rơh tât, Uỷ ban Dân tộc ân geh rgum doh rklaih ăp nau jêr mpeh nau kan, nau ƀư, ƀư rjăp nau mêt uănh nau ntrŭnh bah Quốc hội, Chính phủ đah nkô̆ nau lah nŭih ƀon lan ngăn ngên geh nau kơl an tă bah bôk nau kan, nkre ƀư ueh nau dơi, nau dăng bah nkuăl ndrel nuih n’hâm nsôih hao bah kônh wa ăp rnoi gay ma hun hao ngăch, nâp nâl tâm nkuăl nŭih rnoi mpôl đê̆ ndrel gôl yôk./.

Nŭih rblang: H’Thi