Kêng măng 21/8, ta Ngih kan Quốc hội, Uỷ viên Bộ chính trị, Groi Kruanh Rnâng kan Quốc hội Trần Thanh Mẫn-Kruanh Rnâng kan rơh rƀŭn mom lam ntur neh tal 9, hŏ ƀư tơm nar rƀŭn đah Rnâng kan, ăp Tiểu ban tâm Rnâng kan ndrel Ban thư kí neh dak gay ma mêt uănh nau nchrăp ƀư rơh rƀŭn. Groi Kruanh Rnâng kan Quốc hội Trần Thanh Mẫn lah rjăp, rơh rƀŭn mom lam ntur neh tal 9 bah Liên minh Nghị viện lam ntur neh (IPU) yor Quốc hội Việt Nam ƀư tơm lah nau kan tâm nchră đah dak ba dih khlay bah Đảng, Ngih dak nơm tâm năm aơ.

Aơ lah nau kan chính trị têh, lơi âk nau ueh đah ăp ntoh măt râng rƀŭn mpeh rup ndah bah neh dak, kon nŭih Việt Nam, nau nchrăp kơl ân geh đăp mpăn ăp ntil. Hôm knŭng 20 nar dơm lah mra geh rơh rƀŭn, rơh nchrăp kan mô hôm âk, lah rjăp nau aơ, Groi Kruanh Rnâng kan Quốc hội Trần Thanh Mẫn nkah ăp ntŭk kan, rmôt kan ndrel ăp ntŭk geh tât ân ƀư ueh nuih n’hâm kan prêh, nsôih ntrŭnh ƀư nau kan geh jao./.