Jêh rnôk lôch rơh rƀŭn tal 5, Quốc hội gưl 15, ôi 26/7, Groi Kruanh Rnâng kan Quốc hội Trần Thanh Mẫn ndrel rmôt kan ntoh măt Quốc hội n’gor Hậu Giang hŏ geh nar tâm mâp đah cử tri nkual ƀon têh Ngã Bảy, n’gor Hậu Giang. Tâm nar mâp, cử tri nkuăl ƀon têh Ngã Bảy ntoh nau rhơn bah năp nau tă dơi geh ma lam dak hŏ mât ndrel tă dơi tâm 6 khay rlau aơ, nkre rnê prêh nau tă geh bah rơh rƀŭn rơh aơ đah ăp nau kan tâm di.

Cử tri nkual ƀon têh Ngã Bảy ŭch Quốc hội ndrel Chính phủ lŏ kơl an ntrŭnh ăp nau kan, nau kơl gay ƀư đăp mpăn rnoh ndơ tuch tăm, njêng nau đăp mpăn ntŭk tăch luh ndơ tăm, joi ntŭk tăch âk lơn ân nŭih kan, pă kan ân sinh viên jêh lôch nti, geh nau rgum nŭih lăp kan bah ngih dak si, uănh tay nau ntrŭnh mô ân cán bộ, công chức, viên chức geh dŏng neh tuch tăm...rnôk aơ, Groi Kruanh Rnâng kan Quốc hội Trần Thanh Mẫn ntoh măt rmôt kan ntoh măt Quốc hội n’gor Hậu Giang pă 20 ngih kơl an đah rnoh du rmen ân ăp rnăk ach o tâm nkuăl ƀon têh Ngã Bảy, n’gor Hậu Giang./.