VOV4.Mnông- Ôi nar 17/1, groi kruanh rnâng kan Quốc hội Trần Thanh Mẫn leo mpôl Đại biểu Quốc hội tât mpoh nhang, an kao si kahgĭt Đại tướng Võ Nguyên Giáp n’hanh Tổng Bí thư ơm Lê Duẩn di rơh tết nguyên đán Nhâm Dần 2022. groi kruanh rnâng kan Quốc hội Trần Thanh Mẫn ndrel đah mpôl đại biểu Quốc hội mpơl nău ryơk nsơm ta năp huêng khlăy Đại tướng Võ Nguyên Giáp- Nuĭh nô leo bôk năp bâh tahen ƀon lan Việt Nam- nuĭh kruanh tahen têh kuăng bâh mpôl rnoi Việt Nam; kahgĭt, lah ueh nău ntop kan têh kuăng bâh Đại tướng lĕ pă kơl an lĕ nău rêh đah nău kan cách mạng têh kuăng ntoh ang bâh Đảng n’hanh mpôl rnoi Việt Nam. Đah tahen ƀon lan Việt Nam, Đại tướng Võ Nguyên Giáp lah Tổng tư lệnh- Nuĭh nô bôk roh bâh tahen ƀon lan Việt Nam, lĕ geh nău ntop soan têh dăng rdâk njêng du mpôl tahen têh dăng, ntop geh nău ntrŭnh ndrel đah lĕ rngôch ƀon lan lơh dơi bar mpôl rlăng lah Pháp n’hanh Mỹ rŭn in neh dak he.

Nuĭh rblang: Thị Đoắt