Ta ăp rơh tâm nchră, groi kruanh rnâng kan Quốc hội Trần Thanh Mẫn lah na nê̆ Việt Nam way uănh khlăy n’hanh ŭch n’hao nău pah kan ndrel đah Tây Ban Nha, uănh rnê âk ăp nău mhe ta nău tâm boh bar dak, bar Quốc hội tâm ba năp nơh.

Groi kruanh rnâng kan Quốc hội lah ueh Tây Ban Nha lah ngoăy tâm âk dak EU ơm an dŏng Hiệp định mât ntuh kơl EU-Việt Nam (EVIPA) n’hanh đă tâm năm kan kruanh EU, Tây Ban Nha geh nău ngơi gay ma nghị viện ăp dak EU  ê hŏ an dŏng EVIPA ơm an dŏng Hiệp định, njêng nău kan gay ma ntrôl tâm kơl ntuh kơl đah bar ding gay ma geh nău tâm ban, ndrel geh ueh, ntop nta nău dơh nơih an mpôl kan doanh nghiệp châu âu dôl ntuh kơl tăch rgâl ta Việt Nam.