Tât khâl mpôl kan tâm rnglăp sư sãi rŏng dak nkuăl ƀon têh Cần Thơ, groi kruanh rnâng kan QH Trần Thanh Mẫn rhơn ta năp nău tâm rgop bâh ăp nuĭh hòa thượng, đại đức, sư sãi mpôl tâm rnglăp sư sãi rŏng dak nkuăl ƀon têh Cần Thơ tâm ba năp nơh.

Nkre lah na nê̆, ƀon lan Khmer lĕ tâm rgop âk soan kan gay ma nkra mhe, ƀư ueh tay ăp ngih chùa, rgŏ jă kon chroh phật mât chăm pah kan jan sa, tăch rgâl gay ma rgâl mhe nău rtêh, jut n’huch ach o, knơm đah nău leo kan n’hanh nău knơm bâh nơm, ăp nuĭh Hòa thượng, đại đức, sư sãi, achar ndrel đah ƀon lan Khmer geh tay ăp nău tâm rgop na nê̆ lơn tay ta nău kan tâm rnglăp lĕ mpôl rnoi, rdâk njêng n’hanh mât ngih dak ăp nar lơ ma nâp dăng lơn.