“Dak Lak ân geh rêng kan gay n'hao dăng groi nđôi, plơng ơh nău dăn đă bah nuĭh ƀon lan”. Aơ lah nău dăn đă bah Groi Kruanh Ủy ban Trung ương MTTQ Việt Nam Phùng Khánh Tài ta rơh Tâm nchră ôp uănh pah kan mặt trận năm 2022 ƀư ta nkual ƀon têh Buôn Ma Thuột kêng măng 8/12.  

 Tĭng nău mbơh ta rnôk tâm nchră, tâm năm aơ, pah kan mặt trận ta Dak Lak geh âk ntŭk chrat ang. Nău kan rgŏ jă ƀon lan râng kơl njrăng n'gang nuh srê Covid-19 dơi mât ŭanh khlay tay. Uỷ ban mặt trận tổ quốc Việt Nam n'gor hŏ dơn rlău 6,8 rmen prăk n'hanh tâm pă an ăp nhih pah kan, đơn vị ăp gưl gay ntop kơl râng njrăng n'gang nuh srê tâm ban kơt njuăl prăk nkhôm rvăt vaccine sĭt tât trung ương. Tâm khay kan âk an nuĭh ach o năm aơ, ăp nkuâl, thị xã, nkual ƀon têh hŏ đăng ký rgŏ jă bơi 14 rmen prăk. Bah tơm prăk nkrem dja hŏ tâm pă, ntop kơl rdâk, nkra jay tâm rnglăp, ntop kơl nuĭh ƀon lan rvăt ndơ dŏng kan, pă nklâm ndơ Tết, săm ji an nuĭh ƀon lan...Ta rơh tâm nchră, ăp nuĭh ntơh măt hŏ tâm nchră, ƀư kloh ăp nkô̆ geh tât pah kan tâm ƀon lan dak bah dih; dŏng công nghệ thông tin tâm nău kan mât uănh, ƀĭt juet n'hanh nkoch trêng bah mặt trận. Dak Lak nkoch trong ƀư geh nău tam tâm pah kan tâm rnglăp rgum ăp rơh kơn ƀon lan, ăp rnoi nuĭh chroh rƀŭn râng rdâk njêng tâm rnglăp đŏng. Dăn đă du đêt nkô̆ geh tât ăp nău jêr jŏt, chong cheng tâm rnôk an ƀư, tĭng ƀư ăp siƀŭt pháp luật, nghị quyết, nghị định...

VOV Tây Nguyên/Nuĭh rblang: Điểu Thân