Groi Thủ tướng Bùi Thanh Sơn, Kruanh n’gâng kan nchră nau geh nar pah kan đah n’gor Cao Bằng mpeh nau rklaih phŭt mrô 3. Tâm nar pah kan, Groi Thủ tướng Bùi Thanh Sơn hŏ djăt rđau kan n’gor Cao Bằng mbơh nau tât khuch bah mih dak lip, ngăn lah phŭt mrô 3. Tĭng nê, khuch lơh ntơm bôk năm tât rnôk aơ ƀư Cao Bằng khuch rlau 248 rmen, êng phŭt mrô 3 hŏ ƀư 45 nŭih khĭt, 15 nŭih rmanh ndrel 8 nŭih roh, bơi tât 1.500 ngih, rlau 1.600 ha tuh mbo geh khuch.

Groi Thủ tướng, Kruanh n’gâng kan nchră nau Bùi Thanh Sơn đă n’gor Cao Bằng lŏ ndal joi nŭih roh yor mih dak lip, nkre ngăch rklaih nau khuch, ngăn lah nau khuch tât trong hăn rnôk aơ. N’gor ân ƀư ueh nau kơl an ndơ sa, dak ngêt, ndơ dŏng ân ƀon lan nkuăl rluh neh ndrel ƀon lan tâm nkuăl geh nkol nkhah./.