Tâm rnôk hăn râng rơh rƀŭn gưl prêh mpeh nau tâm ton tơm prăk lam ntur neh mhe ndrel pah kan ta Cộng hoà Pháp, lơ 21/6, Groi Thủ tướng Chính phủ Trần Hồng Hà hŏ tât khâl ntŭk kan Hun hao Pháp (AFD) ndrel geh rnôk pah kan đah wa Marie Helene Loison, Groi Giám đốc AFD, ndrel ăp kruanh n’gâng kan gưl prêh bah AFD. Tâm nar pah kan, Groi Thủ tướng Chính phủ ntoh nau rhơn bah năp ăp nhoat hun hao ueh tâm nau tâm boh Việt Nam-Pháp.

Ngăn lah tâm nau tâm boh văng sa, du n’gâng tơm khlay bah nau tâm boh kan nsum bah 2 dak. Bar ding tâm ban nau n’hao nau tâm boh lơn đah AFD ndrel Việt Nam tâm nau kan ntrơn rgâl ŭnh nar, ngăn lah tâm rnôk Việt Nam hŏ geh ăp nau ton rjăp tâm rơh rƀŭn COP26 ndrel ntrŭnh nau tâm boh ntrơn rgâl ŭnh nar tâm ban, lŏ tâm rgop nsum gay ma ntrŭnh ƀư săk tam ăp nau kan văng sa kơl an ân hun hao nâp nâl ta Việt Nam./.