Tâm ntŭk kan N’gâng kan nchră nau, Groi Thủ tướng Chính phủ Trần Lưu Quang hŏ geh nar pah kan đah N’gâng kan nchră nau mpeh nau ntrŭnh nau tâm nchră nau kan tâm năm 2023.

Ntoh nau tâm nar pah kan, Groi Thủ tướng Chính phủ Trần Lưu Quang njoăl nau rhơn năm mhe ueh lăng ngăn tât rđau kan, cán bộ, công chức, viên chức N’gâng kan nchră nau, lah rjăp Ntŭk kan nchră nau geh nau vay ơm ueh, geh nau khlay tâm nau kan ndâk njêng ndrel mât neh dak.

Groi Thủ tướng lah rjăp, N’gâng kan nchră nau ân lŏ ƀư ueh nau vay ơm tâm nchră nau ndrel ăp nau tă dơi geh, tâm dăch ma ntrong kan tâm nchră đah dak ba dih Đại hội XIII bah Đảng ndrel rđau đă bah Tổng Bí thư Nguyễn Phú Trọng ta rơh rƀŭn tâm nchră lam dak năm 2021, ƀư ueh rjăp nau dơi leo ntrong lor tâm nau ntrŭnh tâm ban, săk tam bah nau kan tâm nchră đah dak ba dih, n’hao nau dơi ndrel nau rnơm bah neh dak lah nau khlay tâm nau kan bah n’gâng kan nchră nau./.