Dơn nău jă bah Chính phủ Trung Quốc n’hanh N’gâng kan ƀon lan Vân Nam, Groi Thủ tướng Chính phủ Trần Lưu Quang lĕ râng ntơm ƀư Rgum mpla tăch ndơ Trung Quốc-Nam Á rơh tal 7 n’hanh Rgum mpla tăch ndơ Côn Minh rơh tal 27. Ntoh ngơi ta ntơm ƀư, Groi Thủ tướng Chính phủ Trần Lưu Quang uănh lah prêh nău ƀư mpla nsơ tăch ndơ Trung Quốc-Nam Á n’hanh rgum mpla tăch n’gluh Côn Minh tâm nău ntop kơl nsum mpôl doanh nghiệp Đông Nam Á, Nam Á joi trong kan ndrel ntuh kơl, n’hao tâm rgâl tăch n’gluh, ntrôl nkra njêng, tăch rgâl, mkra nău jêr jŏt, ntơm rdâk hao wăng sa jêh srê Covid-19.

Groi Thủ tướng uănh lah prêh bah n’gor Vân Nam kan ndrel đah Việt Nam n’hanh ăp dak ASEAN, đah ăp trong kan ndrel ơm geh, dăn đă Chính phủ Trung Quốc n’hanh ăp N’gâng kan n’gor Vân Nam uănh mĭn tay, ntrôl kan ndrel lĕ rngôch, boăt nthoi jru hvi mpeh wăng sa tăch rgâl, pâl nđaih đah n’gor Vân Nam n’hanh Ăp n’gor Việt Nam.