Groi Thủ tướng, Kruanh N’gâng kan tâm rnglăp nchră nău n’hanh Kan ndrel lam ntŭr neh Campuchia khâl Việt Nam
Thứ năm, 16:10, 23/03/2023
VOV/Nuĭh rblang: Y Sưng Phê Ja
VOV/Nuĭh rblang: Y Sưng Phê Ja
VOV4.M’nông- Kêng măng 21/3, ta Ntŭk kruanh, Kruanh dak Võ Văn Thưởng lĕ wơt Groi Thủ tướng, Kruanh N’gâng kan tâm rnglăp nchră nău n’hanh kan ndrel lam ntŭr neh Campuchia Prak Sokhom di rơh khâl Việt Nam n’hanh ndrel ƀư tơm rơh rƀŭn tal 20 Ủy ban Hỗn hợp Việt Nam-Campuchia mpeh kan ndrel wăng sa, Văn hóa, Khoa học n’hanh Kỹ thuật.
Ta nar wơt, Kruanh dak Võ Văn Thưởng nkoch nău nsing nơm Campuchia mbra ƀư lôch uĕh nău săch Quốc hội khay 7/2023, dơi geh âk nău têh tâm nău ndâk njêng neh dak Campuchia đăp mpăn, ƀon lan ƀư tơm n’hanh uĕh ndrŏng. Việt Nam dŭt n’hâm uănh khlay n’hanh ŭch mô rlu n’hao tâm boh “oh nô uĕh lăng, dăch dêh way ơm, kan ndrel lĕ rngôch, nâp nâl jŏ jong” đah Campuchia.
Groi Thủ tướng, Kruanh N’gâng kan tâm rnglăp nchră nău Campuchia mĭn lah Campuchia uănh khlay tâm boh dăch dêh n’hanh kan ndrel đah Việt Nam. Mbah rhơn ăp nău geh têh ma nuĭh ƀon lan Việt Nam dơi geh tâm nău hun hao wăng sa-rêh jêng; nkoch nsing nơm Việt Nam mbra lôch jêh nău rƀŏng rgâl mhe công nghiệp tâm năm 2030.
Viết bình luận