Ta ntŭk kan Chính phủ, Bí thư Trung ương Đảng, Groi Thủ tướng Lê Minh Khái ƀư tơm nar rƀŭn mbơh kơp uănh nau ntrŭnh mrô 06 ndrel nau ntrŭnh mrô 03 bah Ngân hàng Ngih dak Việt Nam.  Tâm nar rƀŭn, rđau kan ăp n’gâng kan, ntŭk kan Trung ương tâm nchră ngăn đah ăp rmôt, ntŭk kan mpeh 2 nau ntrŭnh aơ, ân lah aơ lah nau gay Ngân hàng Ngih dak kŏ kơt lah ăp n’gâng kan djăt nau rgop tă bah ntŭk ƀư kan tăch rgâl, ntơm ntŭk kan, nchră ngăn ăp nau tât gay “joi luh nau tâm ban” ndrel geh ăp nau tâm di kơl an ntŭk kan tăch rgâl nkre đăp mpăn lam ntrong kan ân manh prăk.

Lôch nar nchră, Groi Thủ tướng Lê Minh Khái rnê prêh ntoh măt ăp n’gâng kan, ntŭk kan, rmôt kan hŏ geh nau nsôih, tâm nchră sŏng gay ƀư kloh nau gay rklaih. Lah rjăp, Ngân hàng Ngih dak geh 2 nau tơm khlay, ngoai lah rđau prăk kaih, đăp mpăn nkân nau hao khlay, đăp mpăn văng sa, ntrŭt dăng nau kan hun hao văng sa. Bar lah, đăp mpăn ntrong kan prăk kaih. Aơ lah nau jêr, ân geh nau tâm rgop ngăn đah ăp ding ân tâm di, tâm ban, săk tam./.