VOV4.M'nông: Ôi 25/2 ta Nhih pah kan Chính phủ, Bí thư Trung ương Đảng, Groi Thủ tướng Lê Minh Khái ƀư tơm rơh hop Ƀan rđău đă mât rnoh khlay ndơ tăch bah Chính phủ tâm nchră mpeh lôch jêh pah kan mât rnoh khlay ndơ 2 khay aơ n'hanh rƀŏng trong mât rnoh khlay ndơ hôm khay ƀa ƀă tâm năm aơ. Nkoch gĭt tay mpeh nô nău tơm pring xăng, Thứ trưởng Bộ Công thương Đỗ Thắng Hải an gĭt, pring xăng lam ntŭr neh tât hao khlay tay ta năp duh jêr chính trị đah Nga n'hanh Ukraine, tâm rnôk rnoh âk ntêm nkrem pring xăng ta âk dak hŭch n'hanh nău ŭch geh dŏng pring xăng hao âk rnôk ăp dak an ƀư trong dâk hao tay jâng wăng sa, aƀaơ rnoh khlay pring kât ta lam ntŭr neh hŏ rlău 100 đôlar/thŭng n'hanh dôl hao khlay tay đŏng. Ta rơh hop nsing kalơ nchroh trong rƀŏng hao khlay ndơ dŏng tơm, rmôt kơl kan Ƀan rđău đă mât rnoh khlay ndơ tăch tâm quý 2 n'hanh ăp khay hôm ƀa ƀă bah năm aơ./.

Nuĭh rblang: Điểu Thân