Ôi 24/4, Groi Thủ tướng Lê Minh Khái ƀư tơm rơh hop pơk sŏng dăng đah 5 n’gor (lah Trà Vinh, Vĩnh Long, Sóc Trăng, An Giang n’hanh nkual ƀon têh Hồ Chí Minh) gay droh rklaih jêr jŏt kŏ kol tâm trong n’gluh tơm prăk ntuh kơl. Tĭng nău mbơh, lĕ rngôch rnoh n’gluh tơm prăk bah 5 n’gor dja tât lĕ khay 3/2023 lah rlău 2.553 rmen prăk, geh 2,74% trong nchrăp đêt rlău rđĭl đah rĭng geh nsum bah lam dak. Êng nkual ƀon têh Hồ Chí Minh n’gluh tơm prăk geh dŭt đêt, dơn gehn 0,89%.

Lah ta rơh hop, Groi Thủ tướng Lê Minh Khái nchŏng kloh: nău n’gluh tơm prăk mbrơi, rmeh bưm dŭt âk tơm prăk ngân sách Ngih dak khuch dŭt âk tât rnoh ngăch hun hao n’hanh prăk dŏng bah jâng wăng sa, jêng ân ƀư kloh nău dơn kan tâm rnôk n’gluh tơm prăk, mbrơi mbơh trong nchrăp ntuh kơl; Groi Thủ tướng dăn đă, ăp n’gâng kan, ăp n’gor rgum rđău đă lĕ n’hâm suan, ăp kôp, geh nău tam ăp nău kan  trong nkra. Ndrel đah nê, ân way hăn ôp uănh, ntrŭt ntrôl ăp trong nchrăp kan na nê̆ gay ngăch nkra ăp jêr jŏt, kŏ kol ntoh luh tâm ngăn ngăn.