VOV4.M'nông: Kêng măng 28/7, ta Nhih pah kan Chính phủ, Groi Thủ tướng Lê Minh Khái ƀư tơm Rơh hop Bôk năp Ban Rđău đă mpeh tĭng ƀư bôk nău kan dâk hao tay wăng sa- rêh jêng kon nuĭh. Tĭng nău mbơh bah Bộ Kế hoạch n'hanh Đầu tư, lôch 6 khay an ƀư Nghị quyết 11 bah Chính phủ, ăp nhih pah kan hŏ ƀư lôch jêh âk nău kan, bôk năp tŏng đah nău ŭch geh ndơ̆ luh. Mpeh nău dơi geh n'gluh tơm prăk, nchih rgum bôk năp, ăp trong kơl mpeh bôk nău kan hŏ n'gluh nklăp 48 rbăn rmen prăk. Lah rjăp ăp trong ntop kơl ta Bôk nău kan dâk hao tay hun hao wăng sa- rêh jêng kon nuĭh dôl dơi an ƀư lĕ n'hâm suan, du đêt trong kơl geh rnoh n'gluh tơm prăk âk tâm mông nar glêh, du đêt trong kơl hŏ geh nău rgâl uĕh lơn. Yơn lah, du đêt nău rgop năl lah nô nău rdâk njêng du đêt si ƀŭt ntĭm nti hôm mô hŏ tât rnoh ngăch ndơ̆ luh ta Nghị quyết mbrô 11/NQ-CP. Dăn đă tâm let năp tay ân mbơh gĭt lam hvi, ntrôl dăng tĭng ƀư, ngăch nkra ăp nău jêr jŏt, kŏ kol, mât đăp mpăn nău dơi tam bôk nău kan…

Nuĭh rblang: Điểu Thân