Bâh nău uănh nđôi ăp ntŭk rluh rlâm ngăch ndal ta 5 n’gor ta nkual Đồng bằng sông Cửu Long tâm ban kơt ta du đê̆ ntŭk nkual Tây Bắc n’hanh du đê̆ ntŭk ta Tây Nguyên, an saơ an geh njrăng ngăch ndal ăp nkual geh rluh rlâm.

Groi Thủ tướng Lê Minh Khái rnê â 13 ntŭk kan Đồng bằng Sông Cửu Long n’hanh ăp n’gâng kan, ntŭk kan lĕ geh nău dăn đă ngăch ndal rmal nău tât bâh rluh rlâm kơh dak me, dak lêng yor rgâl trôk nar mih sial, khuch tât nău pah kan wăng sa- rêh jêng. Groi Thủ tướng Lê Minh Khái lah na nê̆: đah nău ngăch ndal bâh nău njrăng rluh rlâm ăp ntŭk, ăp n’gâng kan an geh ngăch uănh nđôi, tâm rgop, dăn đă rnoh nchrăp kan rmal nău rluh rlâm kơh dak me, dak lêng ta 13 n’gor, nkuăl ƀon têh ta Đồng bằng Sông Cửu Long an ngăch, ndăn, tâm di đah nău ntrŭnh pháp luật, ta nău tâm ryơk, nău kan tơm khlăy, ơm mbơh tơih ƀư tĭng nău ngăn.