Nău tâm nchră ta rơh rƀŭn nchră nuĭh leo kan ăp n’gâng kan Trung ương an lah tâm ăp khay bôk năm rnoh pă ăp ntil ndơ khlăy geh mât đăp mpăn, rnoh khlăy lĕ geh mât njrăng, nău tât tama di đah nău mbơh pă rnoh khlăy rnâng kan ntĭm leo ngluh mbơh.

Groi Thủ tướng Lê Minh Khái đă, ăp n’gâng kan, ntŭk kan ƀư tĭng an geh săk rnglăy n’hanh tâm di nău kan leo kan, mât đăp mpăn rnoh khlăy ăp ntil ndơ ngih dak mât uănh. Mât đăp mpăn pă an drăp ndơ, nchrăp tŏng ăp ntil rnoh ndơ gay ma mât đăp mpăn tâm di đah nău ŭch bâh nuĭh ƀon lan lah ăp ntil ndơ sông sa, ndơ ngêt, drăp ndơ n’hanh mbơh nău tăch rgâl khlăy, ngăn lah gay ma kơl nău ŭch dŏng ndơ ta ăp rơh lễ, tết ta dŭt năm. Ăp ntŭk leo kan ƀư tĭng mât uănh ngih dak ăp ntil ndơ tĭng nău dơi, n’hao nău uănh nđôi, uănh năl ƀư tĭng ăp trong kan mbơh tơih rnoh khlăy, lir rnoh khlăy, mbơh tơih mpeh rnoh khlăy.