VOV4.M’nông –  Groi Thủ tướng Chính phủ Lê Minh Khái lĕ tât khâl ntŭk kan Rmôt kan tăch rgâl lam ntŭr neh (WTO) ta Geneva, Thụy Sĩ, n’hanh pah kan đah Groi Tổng Giám đốc WTO Trương Hướng Thần. Ta nar pah kan, Groi Thủ tướng Lê Minh Khái mĭn lah Việt Nam uănh khlay nău tơm bah WTO ntrôl trong tăch rgâl âk ding pơk hvi, kloh rah wah, nsing nơm tâm luật lệ, jăng lơi ăp mpêr n’gar soăy, nchăng n’gang chủ nghĩa mât njrăng tăch rgâl, ŭch WTO mât uĕh tay nău tơm tâm pă gay ntrôl tăch rgâl lam ntŭr neh tĭng trong lam lĕ rngôch, tâm ban, rgop rdâk hao tay n’hanh hao jêng wăng sa. Tâm rnôk nu nău chính trị wăng sa lam ntŭr neh geh âk nu nău jêr jŏt, wa Trương Hướng Thần mpŏng ŭch Việt Nam rgop uĕh tay tâm rnôk tâm nchră ta Rƀŭn nchră Kruanh n’gâng kan WTO rơh tal 12 tâm khay 6 tât gay geh ăp săk rnglăy na nê̆, ngăn lah tâm nău kan ntop kơl tui ka n’hanh lŏ mir, tă bah nĕ rgop ntrôl tăch rgâl lam ntŭr neh.

Nŭih blang: Y Sưng Phê Ja