Nkual ƀon lan gŭ ta xã Lợi Hải geh lĕ rnoh 2.080 rnăk, tâm nĕ ƀon lan Raglai geh rlău 82%. Ăp năm ba năp, bâh geh ƀư tĭng rgâl mhe ntil tơm tăm, kon rong n’hanh ăp nău nchrăp kan n’huch ach o, ƀon lan ntuh kơl hun hao wăng sa rêh jêng săk rnglăy, nău geh đăp mpăn lơn.

Ta meng nĕ, ngih dak mât uănh, ntuh kơl tât rhiăng rmen prăk rdâk njêng tŏng ăp trong điện, trong hăn, ngih dak si, dak dŏng, tâm di ueh an nău ŭch dŏng bâh nău rêh bâh nuĭh ƀon lan. Ntoh ngơi ta nar tâm mâp, groi Thủ tướng Lê Minh Khái lah na nê̆, nar tâm mâp lah rơh gay ma măp gâl kan ủy Đảng, n’gâng kan geh tâm mâp, tâm kơl n’hanh djăt nău mĭn tâm rgop bâh ƀon lan, gay ma gĭt nău ŭch nău rŏng bâh ƀon lan, ndrel đah ƀon lan tâm nchră, tâm mbơh nău, rdâk njêng trong kan ƀư tĭng geh săk rnglăy ăp nău kan chính trị, hun hao wăng sa- rêh jêng, mât rnă njrăng ngih dak, bâh nĕ n’hao tâm ban nău rêh jêng, ndâk nsơm nău tâm rnglăp lĕ mpôl rnoi.