Groi Thủ tướng Chính phủ Lê Minh Khái uănh lah prêh, Bình Dương lah n’gor geh rgop têh an tơm prăk ngih dak n’hanh hun hao wăng sa-rêh jêng bah lam dak. Jêh rlău 25 năm, Bình Dương lĕ hao jêng ntŭk hun hao rlet rlău mpeh công nghiệp, tăch rgâl. Groi Thủ tướng đă, Bình Dương an rgum ƀư tĭng săk rnglăy bôk nău kan bah Chính phủ tĭng Nghị quyết mrô 24-NQ/TW bah Bộ chính trị n’hanh trong nchrăp ƀư bah n’gor.

Bình Dương mbơh ƀư dŭt n’hâm nău pă sŏk prăk ntuh kơl nsum; n’hao rgŏ jă dŏng săk rnglăy ăp nuĭh kan an hun hao, ngăn lah kan ndrel nsum êng gay rgŏ jă nuĭh kan bah doanh nghiệp, nuĭh ƀon lan, nău rêh jêng tĭng nău way tâm di nău geh. Bình Dương an gĭt nu nău gay dôh rklaih jêr jŏt tâm nkra njêng, tăch rgâl an doanh nghiệp, mât uănh nău rêh nuĭh pah kan; ƀư uĕh trong kan dăp rgum nsum bah n’gor.