Ôi 25/6, ta Hà Nội, n’gor Quảng Bình tâm rgop nsum đah N’gâng kan nchrăp kan ndrel ntuh kơl, UBND nkuăl ƀon têh Hà Nội ƀư rƀŭn mbơh nau rgum n’gor Quảng Bình ndrel ntuh kơl năm 2023. Tât râng geh Groi Thủ tướng Lê Minh Khái, ndrel ăp rnâng kan, n’gâng kan Trung ương ndrel nkuăl ndrel âk mpưm nŭih ntuh kơl, kan nsum, ntŭk kan tăch rgâl tâm ndrel bah dih dak.

Ntoh nau tâm nar rƀŭn, Groi Thủ tướng Lê Minh Khái đă, n’gor Quảng Bình ân geh ntrŭt dăng lơi tay 4 n’gâng kan hun hao, 3 nau tơm đô thị, 3 ntrong kan văng sa, 2 ntŭk tơm nsôih gay hun hao ndrel 3 nau dơi kan mhe. Nkre lah, ân geh n’hap lơn tay nau kan mât, uănh nau ƀư nau rgum, kơp uănh mro, năn mbơh ăp gưl geh nau dơi bah ăp nau jêr, nau nkol tâm nau kan ntrŭnh ƀư nau kan. Lŏ ƀư jêh nau kan gleh, kloh, săk tam, yor ƀon lan, tâm dăch ma ƀon lan, ryơk ƀon lan. Rgum ngăn nau tơm gay Quảng Bình ndrel ăp n’gor Bắc Trung bộ n’hao nau ndâk ndrel hun hao./.