VOV4.M’nông: Ntoh nau tâm rơh rƀŭn vay ăp khay tal 52 Tâm nchră văng sa lam ntur neh (ƀư ta Davos, Thuỵ Sỹ), Groi Thủ tướng Chính phủ Lê Minh Khái lah rjăp nau tât bah nau rŭng răng “2 ntil” bah srê Covid-19 ndrel nau duh jêr chính trị dôl jêng ăp nau khuch ê tă mâp geh bah ăp tăch, rnoh ndrel nau pă tăch ndơ sa lam ntur neh. Groi Thủ tướng ntoh 5 nau đă khlay, tâm nê geh nau kan n’hao nau dơi tâm boh lam ntur neh, ƀư kan âk ding, ntrŭt dăng nau dơi bah ntŭk kan lam ntur neh gay ma rklaih ăp nau kan geh tât nau mât đăp mpăn ndơ sa lam ntur neh.

Tâm nê đăp mpăn trong pă tăch ndơ ân n’ho ro, jut jăng lơi nau kan tăch rgâl đah ndơ sa, kơl an tơm prăk ân ăp dak dôl hun hao, ntrŭt dăng nau kan tâm boh 3 ding ma Việt Nam ntrŭnh ƀư săk tam đah ăp dak Châu Phi ndrel Châu Mỹ La-tinh, ntrơn rgâl nau mĭn lan, njêng nau kan mhe gay ntrŭt dăng ân nau hun hao bah nau kan tuch tăm ndrel nau ê nkra ndơ sa, ngăn lah nau dŏng cách mạng công nghiệp tal puăn./.

Nŭih rblang: H’Thi