Ôi lơ 10/11, ta ntŭk kan Chính phủ, Bí thư Trung ương Đảng, Groi Thủ tướng Lê Minh Khái hŏ vơt wa Charles R. Kaye, Giám đốc Công Ty Wwarburg, Pincus, Hoa Kỳ tât khâl ndrel pah kan ta Việt Nam. Rhơn wa Charles R. Kaye, Giám đốc rđau kan Công ty Warburg Pincus, ngoai tâm ăp ntuh kơl bôk năp bah Hoa Kỳ tât khâl ndrel pah kan ta Việt Nam, Groi Thủ tướng Lê Minh Khái mbơh kloh, Việt Nam uănh hoa kỳ lah ngoai tâm ăp dak kan nsum khlay bôk năp. Rnê prêh Công ty Warburg Pincus hŏ tâm boh geh nau dơi đah ntŭk kan tăch rgâl têh.

Rnơm bah Việt Nam, Groi Thủ tướng ŭch Warburg Pincus lŏ mĭn njêng, pơk hvi nau tâm boh kan nsum đah ăp rmôt kan tăch rgâl bah Việt Nam, ntuh kơl geh nau dơi tâm ăp nau kan mhe. Đă Warbur Pincus đah nau geh âk năch tâm lam ntur neh mra lŏ lah ntung njŏ gay leo ăp tơm ntuh kơl Hoa kỳ lah êng ndrel dah ba dih lah nsum tât ntuh kơl tâm Việt Nam. Nchrăp lŏ pơk hvi nau ntuh kơl tâm Việt Nam bah tơm prăk kơl an tâm rơh tât, wa Charles R. Kaye mbơh, rnôk aơ geh âk ngăn ntŭk kan tăch rgâl têh bah Hoa Kỳ rnê prêh nau kơl an tât ntŭk kan ntuh kơl tâm ntŭk geh âk nau dơi bah Việt Nam, nkre ntoh du đê̆ nau đă đah rđau kan Chính phủ Việt Nam./.