Kêng măng 22/6, Groi Thủ tướng Lê Minh Khái lĕ wơt Groi Thủ tướng Kruanh N’gâng kan Kinh tế Tài chính Hàn Quốc Choo Kyung Ho. Groi Thủ tướng Lê Minh Khái lah rjăp: Chính phủ Việt Nam ntrŭt nsôr ăp doanh nghiệp Hàn Quốc ntuh kơl mhe n’hanh pơk hvi rgum ntuh kơl, ngăn lah tâm ăp ntil nău kơl lor kơt hun hao ntung trong, nkra njêng ndơ điện tử công nghệ mhe, chất bán dẫn, dữ liệu têh, công nghệ sinh học, nkual ƀon têh uĕh blău mhe; uănh khlay jao an công nghệ nguồn.

Việt Nam uănh lah prêh nău Hàn Quốc uănh tay Việt Nam “Kan ndrel têh hvi” mpeh ODA n’hanh ăp nău nchrăp ƀư kan ndrel hun hao bah Hàn Quốc nta an hun hao wăng sa-rêh jêng ta âk nkual, ƀon lan ta lam dak. Groi Thủ tướng đă, Hàn Quốc pơk hvi tay ntop kơl mô ndruch tay an Việt Nam, ngăn lah tâm ăp ntil nău mĭn njêng hun hao (R&D), rgâl mĭn ƀư mhe...; mpŏng Groi thủ tướng nkre ƀư Kruanh n’gâng kan Kinh tế Tài chính Hàn Quốc Choo Kyung Ho uănh mĭn tay, ntĭm rđău ăp ngih pah kan Hàn Quốc tâm rgop đah ăp ngih pah kan Việt Nam gay ntrôl mbơh ƀư săk rnglăy ăp jêh rơh rƀŭn tâm nchră rơh tal 2 tâm năm tât.