Kêng măng 3/4, ta Nhih pah kan Chính phủ, Groi Thủ tướng Lê Minh Khái hŏ wơt wa Lee Sung Hee, Kruanh Liên đoàn Hợp tác xã Tuch tăm gưl neh dak Hàn Quốc (NACF) dôl geh hăn khâl Việt Nam. Groi Thủ tướng Lê Minh Khái an gĭt, khay bah năp nơh păng n'hanh Groi Thủ tướng Đại Hàn Dân Quốc Kyungho Choo hŏ tâm ban ŭch ƀư tơm rơh tâm nchră mpeh trong tâm boh wăng sa gưl Groi Thủ tướng Việt Nam – Hàn Quốc tâl 2. Bar ding hŏ tâm ôp dơn ngoăy âk nkô̆ khlay gay ntrŭt ntrôl tâm boh wăng sa đah bar dak.

Groi Thủ tướng Lê Minh Khái nsing nơm an lah, đah nău tă ơm gĭt kan bah he, NACF hŏ nsrôih kan nsum đah Chính phủ Việt Nam ntop kơl hun hao tuch tăm, thôn ƀon đŏng, lôch nê rgop tâm nău hun hao wăng sa- rêh jêng kon nuĭh bah Việt Nam.  Groi Thủ tướng Lê Minh Khái n'hanh Kruanh Lee Sung Hee tâm ôp du đêt nkô̆ geh tât nău ƀư hội chợ ndơ tuch tăm ta Pusan; nău kan bah ngân hàng NH Bank ta Việt Nam; n'hao dăng tăch n'gluh n'glăp ndơ tuch tăm bar ding....gay ntrŭt ntrôl tâm boh đah 2 dak tâm trong kan hợp tác xã hun hao ngăn ngăn, geh nău tam tâm let năp tay./.