VOV4.M'nông: Ôi ntri, ta Thái Bình, Groi Thủ tướng Lê Văn Thành leo mpôl hăn pah kan bah Chính phủ mpeh hăn uănh rnoh ngăch ƀư trong nchrăp Nhiệt điện Thái Bình 2, lơn lah nău su ŭnh bôk năp rmôt máy mbrô 1 bah Nhih máy n'hanh geh rơh pah kan đah kruanh Tập đoàn Dầu khí Quốc gia Việt Nam (PVN), tơm nuĭh ntuh kơl trong nchrăp. Groi Thủ tướng Lê Văn Thành lah rjăp 2 rnoh tât kan ân ƀư ngăch bơi tât lah nsrôih n'glăp nthoi trong rse rmôt máy mbrô 1 tâm nar 30/4/2022 n'hanh su si ônh lor bôk năp rmôt máy mbrô 1 tâm nar 16/6/2022.  Tât aƀaơ, rnoh ngăch trong nchrăp kan hŏ tât 88,75%, tâm nê pah kan weh ƀư bơi tât 100%; rvăt năp geh bơi  96%; ƀư ntrŭp geh bơi 88%; rlong nchuăt geh bơi 26%. Lơn lah, Nuĭh tơm ƀư ndranh rlong nchuăt hôm mât nuĭh kan tâm rnôk Tết nguyên đán n'hanh hŏ n'hao âk tay lôch rlu lễ gay đăp mpăn rnoh ngăch đŏng. Nơm geh kơt nê̆, trong nchrăp kan hŏ tât rnoh "su ŭnh lor bôk năp dah dak pring" tâm nar 23/2 an rmôt máy mbrô 1. Aơ lah gưl kan khlay hăn tât ƀư wat jêh ăp gưl kan n'glăp lam lĕ rngôch tâm nar 19/05 n'hanh su ŭnh ma si ônh tâm nar 16/06/2022.

Nuĭh rblang: Điểu Thân