VOV4.M'nông: Kêng măng 11/2, Groi Thủ tướng Lê Văn Thành hŏ rgum hop đah ăp n'gâng kan n'hanh ăp n'gor mpeh nô nău nchrăp ntuh kơl ƀư ăp trong cao tốc mhe lvang năm 2021- 2025. Tĭng nău mbơh bah Bộ Giao thông vận tải, tâm 5 trong nchrăp kan khlay gưl neh dak geh 3 trong nchrăp kan tă bah Bộ Giao thông vận tải ƀư tơm lah: Cao tốc Biên Hòa - Vũng Tàu; Cao tốc Châu Đốc - Cần Thơ - Sóc Trăng n'hanh Cao tốc Khánh Hòa - Buôn Ma Thuột n'hanh  2 trong nchrăp kan tă bah n'gor ƀư tơm lah: Trong nchrăp kan Vành đai 4 Nkual Thủ đô Hà Nội n'hanh trong nchrăp ƀư trong Vành đai 3 Nkual ƀon têh Hồ Chí Minh ndrel 4 trong nchrăp kan rmôt A. N'glôch jêh rơh hop, Groi Thủ tướng Lê Văn Thành lah kloh, ƀư âk trong cao tốc mbra njêng suan ntrôl mhe an hun hao wăng sa rêh jêng kon nuĭh bah lĕ rngôch ăp n'gor geh trong cao tốc hăn rlău. Lah ơm an ƀư, lơn lah tâm rnôk đă ntrơn du mbra hŭch âk rnoh huach prăk ƀư. Groi Thủ tướng an gĭt, Chính phủ, Quốc hội, lơn lah Bộ Chính trị hŏ geh n'glôch jêh tât năm 2025 an lor tơm ndơ gay pơk hvi trong cao tốc./.

Nuĭh rblang: Điểu Thân