VOV4.M’nông: Kêng măng 18/10, Groi Thủ tướng Chính phủ Lê Văn Thành hŏ tât mêt uănh nau kan rklaih nau khuch yor mih dak lip lơh tâm n’gor Quảng Trị. Groi Thủ tướng hŏ tât mêt uănh, rđau đă nau kan rklaih nau khuch bah rluh neh, pă neh khuch hô tâm trong Quốc lộ 15D hăn trong mpông đah dak ba dih La Lay, trong xã A Ngo, nkuăl Đăk Rông. Groi Thủ tướng Lê Văn Thành hŏ rđau đă n’gor Quảng Trị ndrel ăp rmôt kan geh tât ndal rklaih ngăch ntrŭnh ƀư nkra trong geh hăn der, teng, ơm ân ndeh klư hăn ro ueh tât trong mpông n’har đah dak ba dih La Lay.

Groi Thủ tướng kŏ mbơh kloh, aơ lah trong hăn tât mpông đah dak ba dih La Lay, ndeh têh hăn ro âk, ri ma nau kan nkra trong teng kŏ ân geh nau nâp. Rnôk hŏ ân ndeh hăn ro nâm ơm ri ân geh đăp mpăn nâp nâl, bol ma trong hăn teng ngăch kŏ mô dơi ƀư ndăn, mô yor nau ndal ân ndeh hăn ma ƀư roh nau đăp mpăn ƀư tât jêng ăp nau khuch khat roh hoach./.

VOV/Nŭih rblang: H’Thi