VOV4.M’nông – Groi thủ tướng Lê Văn Thành mhe ƀư tơm rơh rƀŭn đah 15 n’gor, nkual ƀon têh geh nău ŭch nkra, pơk hvi, ndâk ƀư mhe tach ndeh păr. N’glôn jêh rơh rƀŭn, Groi Thủ tướng Lê Văn Thành mĭn lah ntuh kơl ndâk ƀư tach ndeh păr mbra nta an nuih n’hâm mhe ntrôl nău hun hao wăng sa rêh jêng kon nuĭh bah ntŭk n’hanh neh dak. Tĭng Groi Thủ tướng, năm mhe rlău, Chính phủ lĕ pă gưl, pă nău kan an năp ntŭk gay nchrăp lơn an ntuh kơl ndâk ƀư tach ndeh păr n’hanh lĕ dơi geh ăp săk rnglăy bôk năp khlay ngăn.

Groi Thủ tướng Lê Văn Thành ƀư tơm rơh rƀŭn.

Yơn lah, ăp sam ƀŭt ntuh kơl hôm âk. Du đêt n’gâng kan, nău kan, ƀon lan mô hŏ nchrăp ngăn. Groi Thủ tướng jao n’gâng kan ntung trong tâm rgop đah 15 n’gor, nkual ƀon têh geh nău ŭch nkra, pơk hvi, ntuh kơl tach ndeh păr kơp uănh, nkra rgâl, dăp rgum, tŏng ăp tĭng rjăp di nău ntrŭnh pháp luật.

Nuĭh rblang: Y Sưng Phê Ja