VOV4.M’nông: Ndơn nau jă bah Groi Thủ tướng Chính phủ Lê Văn Thành, Groi Kruanh rđau kan Uỷ ban Châu Âu (EC) Frans Timermans hŏ geh rơh hăn khâl Việt Nam ntơm lơ 17 tât 19/2/2022. Ôi aơ 18/2 ta rơh tâm nchră đah Groi Thủ tướng Chính phủ Lê Văn Thành ndrel Groi Kruanh Frans Timermans, bar ding ntoh nau rhơn rnôk ndơn saơ tâm rơh rlau aơ, bol ma geh nau khuch bah srê Covid-19, nau tâm boh Việt Nam-Liên minh Châu Âu (EU) lŏ geh nau hun hao ueh. EU lah dak kan nsum mpeh văng sa, hun hao khlay bah Việt Nam.

Ngăn lah dak dôl geh kơl an mô mplơ̆ sĭt têh ngăn, ntŭk tăch luh ndoh ndơ têh ngăn tal 3, ntŭk rvăt lăp têh tal 5 ndrel nŭih ntuh kơl tệh tal 6 bah Việt Nam. Rnoh tăch rgâl bah bar ding Việt Nam-EU hŏ leo nsĭt dơi âk nau geh ueh mhe, geh 57 rmen đola ba kơi 18 khay ntrŭnh ƀư nau tâm ton dah rŏng tăch rgâl (EVFTA). Bar ding tâm ban nau lŏ ntrŭt dăng ngăch nau nâp, nau săk tam tâm boh tâm ăp nau kan chính trị, nchră nau, tăch rgâl ntuh kơl, tâm boh hun hao, tuch tăm, ntŭk ntu, ŭnh nar, rnă njrăng, neh dak./.

Nŭih rblang: H’Thi