VOV4.M’nông: Lơ 16/5 ta ntŭk kan Chính phủ, Groi Thủ tướng Rnâng kan Chính phủ Phạm Bình Minh, Kruanh rmôt ƀư nau kan mrô 1 mpeh nau kan bonh đă, doh rklaih nau jêr, ntrŭt dăng nau leo dŏng tơm prăk ntuh kơl năm 2022 ƀư tơm rơh rƀŭn đah 9 N’gâng kan, ntŭk kan, geh rnoh pă prăk leo dŏng kan mbrơi lơn rđil nau geh nsum bah lam dak. Tâm nar rƀŭn, ntoh măt bah 9 n’gâng kan, ntŭk kan hŏ ntoh nau jêr, nau kol geh tât nau kan trok prăk, tâm rnôk du đê̆ nau kan mhe ân geh ƀư jêh săm ƀŭt ntuh kơl tĭng nau ntrŭnh. Du đê̆ nau kan geh ntrŭnh tâm âk n’gor, nau dơi nâp bah du đê̆ rnâng kan mât bôk nau kan, tơm ntuh kơl, tơm mât ƀư kan hôm kol. Ăp ntŭk kan hŏ đă mbơh tât Thủ tướng Chính phủ ân ntoch jong nau nchrăp ntuh kơl tơm prăk Trung ương năm 2021 tât năm 2022, nkre đă N’gâng kan ndâk njêng nkah, uănh, mbơh Chính phủ geh nau dơi ndrel ntrong kan doh rklaih nau jêr ân ăp tơm ntuh kơl geh khuch yor rnoh ndơ dŏng ndâk njêng hao khlay./.

Nŭih rblang: H’Thi