VOV4.M’nông – Ôi 17/3 ta Ngih Chính phủ, Ủy viên Bộ chính trị, Groi Thủ tướng rnâng kan Phạm Bình Minh ƀư tơm rơh rƀŭn trực tuyến gay djăt ăp N’gâng kan, nău kan mbơh mpeh ngăch ƀư tĭng ăp bôk nău kan rƀŏng tĭng lam dak lvang 2021-2025 lĕ dơi thủ tướng Chính phủ uănh an lah bôk nău kan rƀŏng tĭng lam dak hun hao wăng sa-rêh jêng nkual rnoi mpôl đêt n’hanh nkual yôk; Bôk nău kan rƀŏng tĭng lam dak n’hŭch ach o nâp nâl n’hanh Bôk nău kan rƀŏng tĭng lam dak ndâk njêng ƀon lan mhe.

Groi Thủ tướng Phạm Bình Minh ntoh ngơi n'glôn jêh rơh rƀŭn.

N’glôn jêh rƀŭn nchră, Groi Thủ tướng Phạm Bình Minh đă, Ủy ban dân tộc, N’gâng kan Lao động Thương binh n’hanh xã hội n’hanh N’gâng kan tuch tăm mât rong n’hanh hun hao ƀon lan ndăn jêh ăp ndơ, rnoh nău ƀư tâm khay 3 gay mbơh an Ủy ban thường vụ Quốc hội mpeh pă prăk an ăp bôk nău kan rƀŏng tĭng lam dak. Groi Thủ tướng nkoch kloh, nău ơm nchrăp tŏng ăp nkô̆ nău pháp lý lah dŭt khlay gay ƀư săk rnglăy ăp bôk nău kan rƀŏng tĭnbg lam dak tâm năm tât.

Nŭih blang: Y Sưng Phê Ja