VOV4.M’nông: Ôi lơ 20/1, Groi Thủ tướng Rnâng kan Chính phủ Phạm Bình Minh hŏ mêt uănh nau mât rnă njrăng, đăp mpăn trong trôk ndrel nau kan njrăng rdâng srê Covid-19 tâm mpông tach ndeh mpăr đah dak ba dih Nội Bài. Gay đăp mpăn ndrel nkân njrăng srê Covid-19 ueh tâm nau nchuăn rdeng năch gay ma vơt têt năm mhe Dương lịch, ndrel tết năm mhe Nguyên đán ndrel lôch năm 2022.

Groi Thủ tướng Rnâng kan Phạm Bình Minh đă N’gâng kan gung trong nchuăn rdeng ndal pah kan đah rđau kan trong mpăr ăp dak gay ma tâm ban rơh mpăr tât dak ba dih, tŏng nau ŭch bah kônh wa sĭt khâl băl mpôl ndrel sa tết. Groi Thủ tướng Phạm Bình Minh đă N’gâng kan công ty mpông trong mpăr Việt Nam, ăp ntŭk trong mpăr ân ƀư ueh rjăp mpeh nau mât đăp mpăn ndrel nau njrăng rdâng srê Covid-19./.

Nŭih rblang: H’Thi