VOV4.M’nông: Kêng măng 23/8, ta ntŭk kan Chính phủ, Hội đồng mbơh nchră nau ân luh năm gŭ ndrung rƀŭn ân uănh săch moh săk ân luh lor tâm rơh 2/9/2022. Uỷ viên Bộ Chính trị, Groi Thủ tướng Rnâng kan Chính phủ Phạm Bình Minh, Kruanh Hội đồng kơl mbơh nchră nau ân luh lor năm 2022 ƀư tơm rơh rƀŭn. Gay nau kan ân uănh moh săk ân geh đăp mpăn rjăp, ƀon lan ƀư tơm, rah vah, Rmôt ƀư nau nchră nau uănh tât ăp nŭih gay ma đă ân geh luh lor năm đah du nau kan rjăp tĭng tâm di nau ntrŭnh bah Luật Đặc xá. Ntoh nau tâm rơh rƀŭn, Groi Thủ tướng Phạm Bình Minh mbơh, nau ân luh năm gŭ ndrung lah nau ƀư nau tĭng nau ntrŭnh kơl an bah Đảng, Ngih dak, đă ăp gưl, ăp ntŭk kan uănh tât nau kan tâm rnglăp tay tâm ƀon lan yor nŭih geh luh ndrung sĭt bah nkuăl. Nkre, rgum ntrŭt dăng nau kan nkoch trêng nsum nty kơl an nŭih luh lor năm gŭ ndrung geh jut bah lơi nau prêng bah nau nơm tă tih./.

Nŭih rblang: H’Thi