VOV4.M'nông: Tâm rnôk tât râng tâm nchră châu Á let năp tay, kêng măng (25/5), ta nhih pah kan Đại sứ quán Việt Nam ta Nhật Bản, Groi thủ tướng Phạm Bình Minh hŏ wơt Thống đốc n'gor Gunma, wa Yamamoto Ichita, Thống đốc n'gor Kanagawa, wa Kuroiwa Yuji, mâp dêh bên đah cán bộ Đại sứ quán Việt Nam ta Nhật Bản, Mpôl gĭt blău Việt Nam ta Nhật Bản. 

 Ta rơh wơt, Groi Thủ tướng ŭch rŏng Thống đốc 2 n'gor nta trong dơh an ăp doanh nghiệp ntuh kơl ta Việt Nam, uănh khlay tât kon se hăn nti n'hanh thực tập sinh nuĭh Việt Nam gŭ rêh ta n'gor, nkre ton Việt Nam mbra nta trong dơh an nău kan bah ăp doanh nghiệp Kanagawa. Kanagawa lah n'gor geh dăng mpeh dak si, yor kơt nê̆, ntrŭt ntrôl tâm boh tâm trong kan dak si lơn lah nău ji jreh jroi lah ŭch rŏng bah Việt Nam.

Nuĭh rblang: Điểu Thân